رايكم يهمني .... ماهو افضل مكيف صحراوي.... - الصفحة 3

**shfgi** · 18-07-2010, 09:50 AM

اقتباس:

المشاركة الأصلية كتبت بواسطة saudicool

للاسف اخوي انا سويت نفس الطريقة وصار دفع الهواء اضعف والبرودة اقل
وللمعلومية انا حاط 2 غطاس

أخوي الفاضل .. بالنسبة لدفع الهواء لابد من تركيب مفتاح خاص برفع وخفض درجة دوران المروحة وبالتالي يعطيك سرعات متفاوتة وبعضها سريع بشرط أن تكون المروحة من الحديد ومن النوع الأصلي خط 220 فولت .. ولك تحياتي

**aseed** · 24-09-2010, 09:37 PM

من واقع تجربتي المكيف الصحراوي مهما تكون صناعتة ان اذابتسوي له صيانه و تنضيف و تغير قش كل شهرين راح يعيش معاك فتره طويله و ما عليك من الدعايات الي يقولك الكرتون افضل من القش لان قيمة القش بثلث قيمة المكيف و المشكله اصلا من ملوحه الماء هي الي تسبب تراكم الاملاح و تصدي ببودي المكيف مهما كانت صناعته و افضل نوع ارفن الامريكي و بعده الجزيره

**ضاري كنعان** · 10-11-2010, 11:10 PM

انا سويت مظلة للمكيف من ثلاث جهات يعني حجبته عن الشمس وزاد تبريد المكيف بشكل كبير !!

شفت واحد رابط المكيف مع البرادة لكن لمست ( اللي ) الموصل بينهم فحصلته ماهو بارد .. يعني الماء الواصل للمكيف ما هو بارد !!

بما اننا الان ببداية الشتاء الافضل هو تغطية المكيف بـ ( طربال - مشمع ) عشان ما يدخل الهواء البارد للمنزل !!

* مكيف القش افضل بكثير من الكرتون للاسباب التالية ( برودة أكثر + سعر اقل + صيانة اقل )

**النداوي** · 23-05-2011, 08:58 PM

حلوة فكرة البرادة

**جو ساقان** · 24-05-2011, 08:07 PM

انا عندي فكره اسهل راح تعجبكم بخصوص الصحراوي

كان عندنا مكيف صحراوي وكل سنة يغثنا فالصيف يقوم يشفط الروائح دخان+ريحة مجاري+ اي شيء فالشارع وصخ يجذبه والزين مايجذبه

ايضا في اوقات العج "ماشاء الله اجواءنا على طول معجعجه" يشفط لك العج سواء كان شغال ولالا ويحط داخل بيتك طعوس من الرمال

فالشتاء يدخل الهواء البارد منه ويحتاج لتغطيه

الاملاح تسكره والقش يفسد والطرمبة تخرب

الحل الجنوني اللي سويته .. قشعته لعنة الله عليه وركبت سبيلت 18000 وحدة وسديت فتحته وخلصنا .

الصحراوي ماله حل كان له ايام ذهبيه لكن خلاص .. يصلح فقط تمددله فالحمامات والمطابخ يطلع بطل اما في مكان مفتوح داخل البيت الله يعينك .

**kingklied** · 16-06-2011, 09:37 AM

مرور بالموضوع