المشاركة الأصلية كتبت بواسطة alzuhary

طيب التأمين كيف ابرم العقد مع العامل وهو ما عنده رخصة ؟

التأمين على ايش ؟

إلا إن كان القصد أن التأمين لا يغطي اي حادث في حال عدم حمل الرخصة .

حياك اخوي
التأمين ابرم العقد لأن سابقا لو تذكر كان التأمين على المركبات
وهو اخوه تقريبا مأمن على السياره واللي صدمني طبعا مايملك رخصه والسياره سياره اخوه

وصحيح مثل ماقلت التأمين مايغطي الحادث في حاله عدم حمل الرخصه يعني مايغطي اذا ماعندك رخصه او منتهيه صلاحيتها

السلام عليكم

انا عسكري في مرور مكه ومعي دورة محقق حوادث

اللحين ابي اقول لك شيء

ترا النظام تغير

وله سنتين

والله العظيم ومو تصريفه وانا راح اعطيك كتاب لنظام المرور لو تبي

قسم الحوادث وتغطية التأمينات

أخوي سلمك الله

اول شيء اجراء المرور سليم ميه ميه يعني انا اوضح لك اكثر

اللحين لو افترضنا واحد من الناس صار بينك وبينه حادث تلفيات

يعني مثل اللي صار معك

وطلع مع الواحد من الناس هذا تأمين ضد الغير او شامل

بكذا يخرج الطرف المتضرر والطرف الاول كلهم بتأمين

يعني الواحد من الناس لك عندة فقط صورة من التامين

ومحظر المرور وورقة اصلاع وتقرير حادث
مع 3 اوراق فواتير للورش التابعه للمرور ومختمه ومقدرة تقديرهم

طبعا النظام الجديد واللي صدر وعدل قبل سنتين
هو

اي سائق سيارة يكون معه رخصه او ما معه رخصه او تكون سيارته او مو سيارته
او اي شيء تشمله التامين لان التامين ليس على الرخصه بل على السيارة

فهمت عليا

التأمين لا يشمل فئتين من الحوادث وهم

1- الحادث في حالة السائق يكون سكران او تحت مخدر ما
2- قاطع الاشارة
...

في شيء مهم

التأمين يشيل عن المحنون كمان

يعني لو في مجنون سرق سيارة وصدم فيها
ترا صاحب السيارة لا يطالب المجنون بشيء ابداً
بل وجوب على السيارة تكون عليها تأمين
والتامين يشملها

انت عارف ان التأمين ضد الغير واقل نوع هو
انه يشيل عنك 100 الف لحادث الوفاة على الرجل
وحادث الوفاة للمراءة يغطي 50 الف ريال
و 10000 الاف تلفيات في كل حادث
وفي خلال سنه يغطي مجموع الحوادث لك 100 الف ريال

يعني في كل حادث 10 الاف وعند 10 حواث = 100 الف ريال

التأمين لو باقي عليه شهر صالح
ولو باقي عليه 10 ايام صالح فقط منه 20 في المئه والباقي مستهلك للوقت او المدة اللي قضيتها في التامين السيارة

سعر التامير ضد الغير = 350 ريال (( اكثر الشركات موحدة هالسعر )) ناعدا التعاونيه فسعرها 375 ريال

سعر الشامل = على حسب السيارة في بعض الشركات
وفي التعاونيه سند بلس 745 ريال

الشركات التامينيه كلها فيها تلاعب ولكن اخي العزيز انا عسكري واسمع مني التوجيه اللي والله صح ميه ميه

فيه ورقه تصدر من عندنا في قسم الحوادث
وهي الورقه موجهاا لهيءة المنازعات بجدة او الشرقيه
هذي الهيءه خصصت لشركات التامين
ومشددة على التامينات وتلاعبهم
كل 15 يوم تأخير لك تراجع بأوراقك لهية المنازعات وهم عندهم نموذج طلب تعويض عن تأخير
غير حقك اللي تطالبهم به

في حالت تلاعب التامين مع المواطن يلجاء المواطن الى هيءة المنازعات وهي هيءه خصصت للتأمينات
وفرض غرامات على التأمينات توصل غراماتها الى 100 الف ريال

يعني المرور حدة فقط تقرير الحادث وحضر حادث وورقة اصلاح
وارسالكم للتأمين
اذا تلاعب التأمين ترجع للمرور وتطلب منه ورقة هيئة فض المنازعات وتطلب فيها انك متظلم
المرور راح يرفع صورة من نظام الحوادث مع الخطاب لك وانت ترسله بنفسك وتوديه بنفسك لجدة او الشرقيه او الرياض وهناك تجيك فلوسك خلال 15 يوم وغصب عنهم

والله العظيم اني شرحت لك كل ماهو صحيح

واذا تبي اي استفسار راسلني بس وانا اخوك وانا تحت امرك واخدمك انت وكل اللي في المنتدى وكل مواطن


بالسلامه ياعسل

وعليكم السلام ورحمه الله وبركاته

اخي الكريم بصراحه كنت برد عليك في وقت لاحق بس بصراحه ولا تزعل مني كلامك قهرني كثير لأنه كله سلبي وراح اثبت لك الحين بكلامي بس اتمنى انك ماتتهرب وترد على اسألتي واجوبتي وطبعا اجوبتي موثوقه وبالصور انت مجرد كلام بس وماتدري عن المستخبي
ومع احترامي لك ولوظيفتك

انا عسكري في مرور مكه ومعي دورة محقق حوادث

اللحين ابي اقول لك شيء

ترا النظام تغير

وله سنتين

والله العظيم ومو تصريفه وانا راح اعطيك كتاب لنظام المرور لو تبي

قسم الحوادث وتغطية التأمينات

تشرفنا بمعرفتك اخي الكريم وسبق انت عرفت عن نفسك في موضوعي عن مماطله التعاونيه

واذا انت تقول ان النظام له سنتين كيف الخطاب اصدر من التأمين
واعتقد انت قريت الكلام المكتوب فيه انا ماجبت شي من عندي
ونظام المرور على عيني وراسي لكن للأسف شفت الخطأ منهم

اول شيء اجراء المرور سليم ميه ميه يعني انا اوضح لك اكثر

اللحين لو افترضنا واحد من الناس صار بينك وبينه حادث تلفيات

يعني مثل اللي صار معك

الله يهديك اخوي انا تكلمت عن نقطه واضحه
وهي ان التأمين لم يلاحظ تواجد الرخصه حتى لو كانت السياره مأمن عليها
والتأمين ذكر في الخطاب انه لايغطي التأمين في حاله عدم تواجد الرخصه راجع الخطاب في الصفحه الاولى رجاءً

انت عارف ان التأمين ضد الغير واقل نوع هو
انه يشيل عنك 100 الف لحادث الوفاة على الرجل
وحادث الوفاة للمراءة يغطي 50 الف ريال
و 10000 الاف تلفيات في كل حادث
وفي خلال سنه يغطي مجموع الحوادث لك 100 الف ريال

يعني في كل حادث 10 الاف وعند 10 حواث = 100 الف ريال

مع احترامي لك هذا الكلام خرابيط
التأمين بخيل يدفع ريال واحد على الحادث والدليل مشكلتي مع الجعاونيه اقصد التعاونيه خخ

تعابع موضوعي علشان اثبت لك
https://www.mqataa.co/vb/showthread.php?t=19679

سعر التامير ضد الغير = 350 ريال (( اكثر الشركات موحدة هالسعر )) ناعدا التعاونيه فسعرها 375 ريال

صدقني لو التأمين عند التعاونيه بريال واحد مستحيل اروح لهم
هذا من زود الامانه عندهم في الدفع وسعرهم مبالغ فيه ومسوين نفسهم احسن شركه وهم ....خلني ساكت بس

الشركات التامينيه كلها فيها تلاعب ولكن اخي العزيز انا عسكري واسمع مني التوجيه اللي والله صح ميه ميه

والنعم من توجيهك

فيه ورقه تصدر من عندنا في قسم الحوادث
وهي الورقه موجهاا لهيءة المنازعات بجدة او الشرقيه
هذي الهيءه خصصت لشركات التامين
ومشددة على التامينات وتلاعبهم
كل 15 يوم تأخير لك تراجع بأوراقك لهية المنازعات وهم عندهم نموذج طلب تعويض عن تأخير
غير حقك اللي تطالبهم به

في حالت تلاعب التامين مع المواطن يلجاء المواطن الى هيءة المنازعات وهي هيءه خصصت للتأمينات
وفرض غرامات على التأمينات توصل غراماتها الى 100 الف ريال

الورقه اللي تصدر مبلوله ومشروب ميتها
سبق واني اشتكيت بمؤسسه النقد قسم فصل النزاعات التأمينيه ولا حس ولا خبر
اصدر القرار بإلزام التعاونيه بالدفع خلال ستين يوم او التظلم في ديوان المظالم
الحين صار اكثر من 90 يوم ولا حس ولا خبر قلي بالله وين الفايده؟؟
رجعت اكلم النقد قال خلاص القضيه طلعت من عندنا تفاهم معهم او روح لجهه ثانيه تشتكيهم
يعني معنى كلامك مايخش في راسي واتمنى من المرور المره الجايه ياخذ حسابه من التأمينات
والضاهر ان التأمينات اخذت مؤسسه النقد كخاتم في اصبعها ... اكيد فهمت كلامي

زي هيئه الاتصلات صايره خاتم في اصبع الاتصالات السعوديه

والله العظيم اني شرحت لك كل ماهو صحيح

لاتحلف انا مصدق كلامك بس للأسف الشديد شفت الواقع بعيني غير الكلام

واذا تبي اي استفسار راسلني بس وانا اخوك وانا تحت امرك واخدمك انت وكل اللي في المنتدى وكل مواطن


بالسلامه ياعسل

سلامتك ورضاك
لكن يبقى سؤال اخير ابيك تجاوب عليه وش فايده النقد اذا ما اخذ حقك من التأمين؟؟

بانتظار اجوبتك

اخوي الله يعطيك الف عافيه

التامينات ترد دائماً بانها لا تشمل اللي ما يحمل الرخصه لان ماشين على النظام القديم
وتجينا كل يوم تقريبا مشاكل للتأمينات

والله مو انت لحالك كثير اللي يجي يشتكي التأمينات
واغلب الناس اللي تشتكي هم اللي مأمنين عند شركة التعاونيه
وانا اسف ان كلامك قهرك على قولتك ولكن انا حبيت اوضح حاجه
وما شاء الله شايفك عندك خبرة في مجال التامينات من كثر مشاكلهم معاك
وانا عارف ان التامين ما يعطي ريال واحد الا بتنشيف الريق وفي الاخير يقول لك 3 ارباع المبلغ او النصف

ومن ناحيه اخرى في شيء ابي انبهك عليه

وهو خطاب التامين مو معتمد كونه شركه

انا افهمك اكثر
اللحين التامين ماشي على النظام القديم لانهم بصراحه حراميه ونصابين وهذا الشيء مفروغ منه

اللحين لو تجي تطالب بحقك يدورون عليك لو حرف ناقص ويقولون مايشمل
ويعطونك خطاب رسمي من عندهم وليس من المرور وموجه للمرور او اي جهه تشتكي عليهم
انا عارف هالطريقه

انت يوم تستلم الورقه هذي من التأمين برفض الدفع بسبب عدم وجود الرخصه او ماشابه ذلك
مو معنى انه خلاص كلام التامين صح

يا حبيبي والله اسمع مني التأمين ماشيء على النظام القديم
وانا اقولها لك النظام له سنتين
ولو تبي اعطيك نظام المرور قسم الحوادث انا تحت امرك راسلني على الخاص
وانا ارسله لك وين ماتكون
وياليت نتواصل هاتفياً عشان افهمك اكثر
يعني بصراحه انا عارف معاناتك لانه كل يوم يجينا واحد او اكثر من واحد يشتكي على ا لتأمين في المماطله او اللف والدوران اللي ماشين عليه التأمينات

وانا ما ادافع عن احد انا اعطيك نظام عملي اللي انا فيه

وش رايك ان نظام وزارة الداخليه في تنظيم المعاملات وارسال المعاملات لمن يلزم

افهمك اكثر

اللحين خطابك يوم اخذته بالرفض من التأمين والسبب انه ماعندة رخصه
هذا الخطاب كل يومين وثلاثه يجينا
ونرفعه احنا او المتضرر يروح يسلمه بنفسه في هيئة المنازعات اللي قلتها لك في موضوعك السابق القديم
هنا المرور يتوقف عمله لان مو من اختصاصه فض المنازعات من التأمين
عارف ليش

لان وزوارة الداخليه انشأت هيئة فض المنازعات لغرض حل مشاكل المواطن مع التأمينات ومماطلتهم

واكرر واعيد اخوي مو معنى انهم اعطوك خطاب رفض الدفع بسبب رخصه او غيرة معناته هم صح


ترا هم عندهم تلاعم كبير

وانا والله ردي لموضوعك فقط لأخدمك

واتمنى انك لو تراسلني لو حاب نتواصل هاتفياً وانا اشوف لك معاملتك
واوجهك بالشيء الصحيح
لان انا عارف انك مقهور ومتدهور من الروحه والجيه من جهه الى جهه اخرى
كأنك معقب وفي الاخير ماتطلع بشيء منهم

انا عاذرك بس كلمه اخيرة

في الخاص لو حاب ترسل رقمك او ارسل لك رقمي وانا والله راح اخدمك مثلك مثل احد اخواني
واعتبر الموضوع لي

واشوف اللي اقدر عليه بالنظام

لان المرور مثل ما قلت لك صلاحياته تنتهي بارسالكم الى المحكمه انت و خصمك او
ارسالك للتأمين
أو
ارسالك الى هيئة فض المنازعات في حالة رفض الدفع من قبل التأمين

وان شاء الله اني ما قهرتك هالمرة من ردي

وان شاء الله راح اخليك مبسوط وتضحك لين ضرسك يبان

من ناحية موسسة النقد والغرف التجاريه هم المسؤولين امام الله عن تلاعب التأمينات

وترا لعلمك والله في ناس وصلت معاملاتهم الى الامارة يعني حولوها الى الامارة

بعد ما تعبوا من التأمين ولف ودورانه

بس كلامك مظبوط صار الشغله بيني وبينك امسكلي واقطع لك
واعتقد فاهم كلمتي هذي





: )
أخوك الصغير
TTT9

اخوي معليش بس شكلك دمجت بين مشكلتي مع التعاونيه ومشكلتي في هذا الموضوع
هذا الموضوع عدى والحمدلله اخذت حقي من اللي صدمني وماعنده رخصه

بس المشكله الرئيسيه اني في قصتي اللي صدمني عنده رخصه وتأمين وكل شي والتأمين متعسف يدفع ولي 9 شهور اطالب للأن وبعد ثلاث ايام بندخل 10 شهور

وانا اسف ان كلامك قهرك على قولتك ولكن انا حبيت اوضح حاجه
وما شاء الله شايفك عندك خبرة في مجال التامينات من كثر مشاكلهم معاك

لا عادي مايحتاج تعتذر يالغالي بس انا فاهم تلاعب التأمين كله اخذت كورسات ودورات عالميه علشان اكتشف نصبهم وتلاعبهم علينا

اللحين لو تجي تطالب بحقك يدورون عليك لو حرف ناقص ويقولون مايشمل
ويعطونك خطاب رسمي من عندهم وليس من المرور وموجه للمرور او اي جهه تشتكي عليهم
انا عارف هالطريقه

انا الحمدلله اوراقي كامله وسبحان الله كأن قلبي عارف راح تصير مشاكل وقلت خلني اصور الاوراق قبل ما اسلمها التأمين ومن بعدها احتجت للورق كثير علشان اطالب فيه حقي لأنهم رفضوا يرجعون لي الورق

يا حبيبي والله اسمع مني التأمين ماشيء على النظام القديم
وانا اقولها لك النظام له سنتين
ولو تبي اعطيك نظام المرور قسم الحوادث انا تحت امرك راسلني على الخاص
وانا ارسله لك وين ماتكون

ادري انه ماشي على نظام الفراعنه المستقبليه المتعجرفه ومصدق كلامك بس انت شفت بعينك ايش صار معي
المرور ما اخذ حقي وانا اخذته بنفسي وعلشان اثبت لك اكثر صارت مشاكل بين كم موظف في المرور بسبب هذه المعامله لأن ما احد انتبه لها

لان وزوارة الداخليه انشأت هيئة فض المنازعات لغرض حل مشاكل المواطن مع التأمينات ومماطلتهم

واكرر واعيد اخوي مو معنى انهم اعطوك خطاب رفض الدفع بسبب رخصه او غيرة معناته هم صح


ترا هم عندهم تلاعم كبير

فكره انشاء هيئه لفض المنازعات فاشله
لأني شفت بعيني ايش صار وشفت كلام التأمين في الجلسه ايش قال وكأنه واثق من كلامه انه القضيه محسومه من صالحهم ودام طلعت القضيه من صالحي بإلزامهم بالدفع ليش ما ادفعوا لي

وانا والله ردي لموضوعك فقط لأخدمك

فيك الخير والبركه ماتقصر
صدقني انا اكتب موضوعي ومشكلتي مع التعاونيه ماابي احد يساعدني ابي بساطلع اللي في قلبي من قهر وحره
منقهر ودي يكون هتلر عايش واعطيه رشوه يفجر الشركه

في الخاص لو حاب ترسل رقمك او ارسل لك رقمي وانا والله راح اخدمك مثلك مثل احد اخواني
واعتبر الموضوع لي

ان شاءالله راح اتواصل معك في مابعد
وماقصد ابي حل منك او خدمه على الاقل بس سلام ^_^
انا عارف انه مابيدك شي تسويه علشان تحل قضيتي انا اشكي الله على تماطلهم وعدم دفعهم المبلغ لي
والله لو عندي مبلغ التصليح ماتنزلت وانتظرت كل هذه المده وبهدلت نفسي بدون سياره
ولسا ماتهنيت فيها عمري ماملكت سياره غيرها والعين صابتني من الحوادث والمشاكل

وان شاء الله اني ما قهرتك هالمرة من ردي

وان شاء الله راح اخليك مبسوط وتضحك لين ضرسك يبان

لا ماانقهرت بس من قبل كلامك بالاول كان غير
لأنك ماعرفت اني اشتكيت لهم بهيئه فصل النزاعات
وكأنك واثق اني لو اشتكيت باخذ حقي منهم
بس الحين فهمت عليك
وضرسي ماراح يبان لين اخذ حقي منهم واسمع بخبر خساره الشركه خخخ مسحيل صاروا حتى البقر يأمنون عليهم
انا قررت الله يكرمك اخذ الجزمات اللي عندي اسوي لهم تأمين

من ناحية موسسة النقد والغرف التجاريه هم المسؤولين امام الله عن تلاعب التأمينات

وترا لعلمك والله في ناس وصلت معاملاتهم الى الامارة يعني حولوها الى الامارة

بعد ما تعبوا من التأمين ولف ودورانه

اكيد هم المسؤولين امام الله عن هذا التلاعب والتماطل واكل حقوق الناس
ولعلمك انا ماطافت علي اني اشتكي عند الاماره
انا بس كنت انتظر المده تنتهي اللي اعطوهم وكنت افكرهم تظلموا عند ديوان المظالم بس يوم اكتشفت انهم مماطلني ولا هذه ولا هذيك رفعت خطاب للأماره وانا الان اتابع معاملتي معهم على الموقع
وقالوا لي بعد عشر ايام نرد عليك خبر

بس كلامك مظبوط صار الشغله بيني وبينك امسكلي واقطع لك
واعتقد فاهم كلمتي هذي

اكيد انا فاهم كل شي
والله يصبرني على الايام الجايه والله اعلم ايش المكتوب وايش اللي بيصير

الحمد لله من يوم ارتفع البيبسي وخويه الكولا وانا مقاطعهم

المشاركة الأصلية كتبت بواسطة ابوعبودي

الحمد لله من يوم ارتفع البيبسي وخويه الكولا وانا مقاطعهم

ههههههههههههههه

وربي ردك احلى رد

يا اخي وش دخل ردك في موضوع التأمينات

وربي انك فله


لا بطني يا يا بطني

ههههههههههههههه

أنا من شهر 7 عام 1430 وانا اطالب بحقي من صاحب سيارة صدمني وهرب مع العلم اني جبت كل اوراقة وبياناته الشخصية حتى مكان عمله وصور لبطاقاته للعمل والاحوال والرخصة..

والمرور إلى الان مكانك راوح.. وانا الان افكر اني عرض مغري لمن يستطيع ان يدبر المبلغ وله نص المبلغ.. اقل الخسارة احسن من الخسارة كلها

حسبي الله ونعم الوكيل.. والله يعوض علينا كلنا