يامال الشام يزيد ريال ويغلي الاسعار

**عييصام** · 31-07-2011, 07:16 AM

السلام عليكم

اتردد كثير ع مطعم يامال الشام للفطور
وكانت اسعارهم الساندوتشات بـ 4 ريال والعصير 6 ريال
فجأة امس مريتهم وطلبت صارت الساندتوشات ب5 والعصير ب7
لذا الدرجة عاد ستدوتش فطور 5 ريال ؟

حسبي الله ونعم الوكيل
والمشكلة الاكل صاير بارد مررررة قسم بالله شي يقهر التجار يلعبون بالاسعار
ولااحد داري عنهم ... حسبي الله ونعم الوكيل ع كل من درى وسككت
وحسبي الله ونعم الوكيل ع كل مسؤول مهمل وغير مخلص
تكفون قاطعوهم قطع الله رزقهم

**جمرة غضا** · 31-07-2011, 09:06 AM

مافيه رقابة الكل يرفع بدون اذن او خوف ؟...
يامال الشام من فترة كم سنة وهو متغير من ناحية اكلهم ..

**positive saudi** · 31-07-2011, 02:21 PM

ما عليش يا شباب

أول تجربتي لمطعم يا مال الشام عام 1416 و كان السندويش ب 2 ريال ( ليش هذا العام بالتحديد عرفته هذا سر

)
و كان فرع العليا مع موسي بن نصير الحين ( قفل أو يرمم ) ما مريت من هناك من زمان علشان ساهر في هذه الاشارة

ثم ارتفع الى 3 ريال ثم قيل سنتين 4 ريال و منها قاطعت المحل نهائيا
السندويتشات تعمل بطريقة غبية كله بارد في بارد و الخبز يتفتت والمايونيز والسلطة تحط فوق الساندويش و يلف عليها الورق و توسخ ملابسك عند فتح السندويش .
لا و خدمه ذاتية في قسم الأفراد ( أقعد طامر على وجبتك جمعها من كل مكان تروح وتجي على الطاوله كنك في بوفيه )
وقسم العوائل متعامله معه الهيئة كل شوي مداهمه

ما ترتاح مع عائلتك كل شوي صراخ و مشاكل .
قلت الفكه غنيمه

**نبض القلم** · 31-07-2011, 02:27 PM

طالما ليس هناك رقابة فالجميع سيرفعون السعر ..خاصة انه لا يوجد رقابة ذاتية ولا خوف من الله ..
سنضيفه الى قائمة المقاطعة.