هذه فعلا حدثت لي يوم الخميس 2/12/1430هـ صباحا
عنما ذهبت إلى معرض الجميح بالدمام وسألتهم عن (بليزر 2009)
قالي الموظف في المعرض : ما فيه إلا هاللون الموجود واشار على بليزر لون بيج في المعرض
قلت : طيب فيه إنفوي؟
قال : فيه سيارة واحدة فقط ولون تركواز
قلت : طيب ممكن اشوفها ؟
قال : لا ما يمكن ... إذا عزمت عليها راح نوريك السيارة.
بعد تفكير قلت في نفسي : ( خليني اقوله إني معزم عشان اشوف السيارات المخزنة اللي يقولون عنها)
قلت : خلاص أنا عزمت على السيارة بس ودي أشوفها قبل ما ادفع مبلغ الحجز
قال : خذ هالورقة وروح لساحة التسليم يورونك السيارة وارجع لي
رحنا أنا وثلاثة من الربع لساحة التسليم
ماعليش طولت عليكم
أخذ أحد الموظفين الورقة وقال تعال
مشينا وراه مشينا مشينا مشينا
صف ورى صف ورى صف
والله العظيم إني ما شفت سيارات كثر اللي شفتها بهالساحة
سيارات على مد النظر يمين ويسار وقدام و ورى وكلها والشاهد الله لاعب في حسبتها الغبار لعب
وعلى فكرة السيارة اللي سألنا عنها (بليزر ) حدث ولا حرج الألوان كلها متوفرة مو مثل ما يقول ما فيه إلا بيج
بس مع الأسف ما استطعنا نصور لأن موظفين اثنين كانو يمشون معانا

على فكرة ... كان واحد من ربعي الموجودين قبل ما ندخل الساحة ما كان مصدق إنه هناك تكدس في السيارات عند الوكلاء بل يقول هذا الكلام مو صحيح وإلا اشلون تفسر كثرة السيارات في الشوارع وهالناس اللي تشتري (طبعا الكلام له)
بعد ما طلعنا من الساحة ما تكلم لأن الصورة كانت أبلغ من كلامنا

آسف على الإطالة ولكن هذا ما حدث معنا فعلا وبالتفصيل
وهذا يدل على أن المقاطعة مجدية وبدأت فعلا تجني ثمارها

مراحب اخوي ابوهادي

الله اقوى من كيدهم والله يبشرك بالخير وانشالله من هذا واردى .

سلمت اخوي
الوضع" مصدي عندهم "
وابشركم غير التكدس الموجودعندهم .... الوكلاء اجبروا على تقليص طلباتهم من السيارات
يعني الضربة ضربتين

خلوهم يصدون

2009 ممتاز لا زال جديد

بأم عيني دخلت حوش الجميح على طريق الخبر الدمام ( معرض المستعمل بجانب الجفالي )

والله رأيت كابريس و إنفوي 2006 أصفااااااااار بغبارها وقراطيسها والكلام ذا نهاية عام 2008 وبداية 2009

ولما دخلت على المندوب سألت عنها " هل هي معيوبة ؟" قال لا ما فيها شي ،

الظاهر أنها فقط لم تباع

طيب كم سعرها ؟ تخيلوا 83 ألف وهي مركونة سنتين وشوي ، لا وضمانها 10 أشهر فقط ( لأن الحكومة أجبرتهم أن يستخرجوا لها لوحات رسمية فبدأ مفعول الضمان من بداية الاستمارة )

اكيدالحمله ماخذه شغلها من جد وانا عملي في جدة
وكل يوم امر من حوش لشركه فوردوالله الحوش متروس سيارات 2008/2009/2010 العنوان شرق الخط السريع خلف كبري القاعده للي مومصدق

خلوووووووها تصدي

خلـــــــــــــــــــوها
تصـــــــــــــــــــدّّي

خلوها تصدى وموديلها يعدى قاطعوهم ولاتشتروا سياراتهم خلوهم يوزعنها على موظفيهم

مشكووررر اخوي كل الوكلاء السيارات عندهم مكدسه
خلوها تصدي