بصراحة انا اخذتها قاعده بعد كم قرصه اخذتها .. ما اشتري اي جهاز الا لما ابحث عن تعامل الوكيل مع العميل .. شف اركز على الوكيل اكثر ..
فاذا سمعت الوكيل عليه ملاحظات او عُرف بسوء الخدمات.. و بضاعته ترقل فبغنى عنه وعن بضاعته ولو هي ببلاش ما اخذ منه ..
لكن الوكيل الجيد اعرف بضاعته طيبه وانت كعميل راح ترتاح وحتى لو صادف و لقيت عيب بالسلعه وهذا وارد مع اي وكاله لكن الوكيل الجيد يحاول ان يرضي العميل ويحافظ عليه وعلى سمعته .. والردي من الوكلاء يتعب معه العميل وتسمع صياح العملاء بالجرائد والمواقع النت ..
وكلامي هذا بالعموم لا اعني به وكيل عن اخر وكنصيحه للعملاء استفسروا عن الوكيل وخدمات ما بعد البيع استفسروا عن الاجهزة استفيدوا من خبرات العملاء السابقين ...
اقتباس:
انا اشتريت العام الماضي 31/04/2011 مكيف سبليت اسمه دولفين 18000 وحدة من العيسى
|
تقصد شريته عام 2010م
ما عطوك سبب لعدم تبريده ؟؟ وش صناعته سعودي ؟
طيب اخوي الغرفه كبيرة مساحتها ؟ ممكن انها كبيرة وحجم المكيف صغير عليها ..
جرب تقدم شكوى لوزارة التجارة الغش التجاري .. ان لك حق راح يردونه لك ..
هذي وسائل الاتصال بمكافحه الغش جرب اسئلهم
اقتباس:
المملكة العربية السعودية
مكافحة الغش التجاري
الإبلاغ عن مخالفة تجارية
هناك طريقتين
الأولى الاتصال على الرقم المجاني 8001241616
أو تعبئة نموذج على الرابط التالي
http://www.commerce.gov.sa/mok2/form.asp
|
---------------
اقتباس:
رويت القصة للعبرة وللتحذير ، صراحة شي مؤسف لو كنت في اوروبا او امريكا تتصل بالتلفون وتقول للوكيل ماابغى جهازكم ، فورا يرجعونه ويعطونك فلوسك بدون مشاكل وكذب وخداع ، لكن بالسعودية حقوقنا تؤخذ عينك عينك والواحد مايدري من ينصفه ويرجع له حقوقه
|
هنا يجي دور جمعية حماية المستهلك ؟.. لو هي قوية لتحسن وضع المستهلك .. الجمعية
المفروض تطالب بتطيبق حقوق المستهلك الثمانيه ..