السلام عليكم ورحمة الله وبركاته
ابي اسعر المكيفات يكون بارد حار شباك
بالرياض من حيث الجوده والتبريد والضمان
وشكرا

إللي أعرفه السوق مليان صيني هذا واحد
اثنين إذا أنت حريص والمكيف شباك لازم الكمبروسر يكون كبير وأمريكي عشان ما يتعب عليك وهذا سعره يطق 1500 لــ 18 وحده

عموما أنا شريت من الصيني والله ما هو بطال بس لازم يكون 24وحدة
أما 18 لا تشتريه خلقه
لأن المكيفات الأخيرة مش حالك حتى إللي يقولك أصلي

الأهم دور بنفسك على كل المحلات وقارب بين أسعارهم ولا تتعدى الحراج
هذا خلاصة ثلاثة أشهر بحث عن مكيفات

مشكور

للمعلوميه أخوي

أهم شئ في المكيفات الكومبروسورات وصارت اليومين هذي كلها هنديه

حتى لو يقلك امريكي ولا ياباني ولا كوري تلقاه فقاع ماعند امه سالفه

لأنهم الحين صاروا يلزقون استكرات وهميه وأبعد عن الجنرال لأن فيه أنواع مقلده ومالها ضمان

دور على المكيفات اللي لها ضمان من شركات كبيره زي سامسونج وLG وماعليك من

ضمان المحلات أمس كنت أدور على مكيفات وعطاني نوع اول مره اسمع عنه وقالي المحل

يضمنه لمدة سبع سنوات حلو بس أنا متأكد لو أرحله بعد أول شهر من استخدامه ليشوتني مع الباب .

بالتوفيق لك اخوي

غذراً يا اخوان أولاً كل غرفة ولها حجم من قدرة التكييف فكل متر مربع يكفيه حالياً 1000 وحدة تبريد تقريباً يعني الغرفة 4×5 = 20 متر يكفيها 18000 وحدة أو 1.5 طن والغرفة 4×6 = 24 يكفيها 24000 وحدة أو 2 طن بغض النظر عن حجم الكمبرسوس كبير كوبلن أو بروستول 0 أوصغير روتري
الكبير يكون صوته مزعج شوي للي يحب الهدو ويتحمل العمل الشاق والحرارة الخارجية العالية وباذات في المناور والاماكن التي تحمل أكثر من جهاز في منطقة غير مفتوحة نوعاً ما أما الصغير الروتري هادي الصوت ولاكنة لا يتحمل الدرجة العالية في الخارج ويفصل في المناور وهو القل سعر من الكمبسوسور الكبير
وفيه مكيف جيد في السوق إسمه شامبيون وكيله شركة البابطين للتجارة جيد وسعر ال 18 حار بارد 999 وال24 1199ريال وتحصلونة عند محلات الحراج