رحت لوكالة الجميح والمتحده للسيارات ( دوج+ كرايسلر ) وقالوا .....

**af2ux** · 16-01-2009, 01:17 PM

السلام عليكم
انا توني مسجل يعني عضو جديد بقراطيسي

بس اتمنى محد يقاطعني

أمس الخميس ذهبت في جولة أفقيه أترنح بها في أطراف مدينتنا الغاليه علينا والمترامية الأطرف <<< كيف التعبير بس

مريت الجميح ودخلت عندهم وقلت ابي التاهو فرصه يمكن نزل سعره واروح لم موظف أتحفظ عن ذكر اسمه

قلت له يالطيب التاهو على كم

قال يبداء بـ 155 ألف ........

قلت يبداء اجل ماشاء الله وعلى كم يوقف

قال الفل كامل بـ 172 ألف و 700 ريال واذا صامل بنقص لك

قلت معي كاش كم بتعطيني اياااه

رد علي وهو مبتسم بـ 170 ألف

قلت الالوان وشيء

قال فيه لون جداً حلو لؤلؤي على أبيض جديد

قلت طيب وينه قال مخلص بيجي بعد اسبوع خخخخخ

قلت مخلص والا موزينه بميناء جده

قال لا مابعد وصل الميناء توه في الباخره ههههه
قمت اتضيرف عليه قلت انتبهوا من القراصنه بس

المهم قلت له سؤال آخير
السعر قبل الحمله والا بعد .!!!!

قال اي حمله

قلت خلوها تصدي

قال الحمله ماهي لنا لعبداللطيف جميل

قلت لا غير صحيح الحمله لجميع السيارات وانا معي كاش اذا بتعطيني اياااه الفل كامل
بـ125 ألف شريت

قال لو في الاحلام ماوصل لذا السعر

ظهر تأثير الحمله
وهو يقول كلمته وجهه منقلب لونه

قلت كاشي معي وحديدكم معكم وطلعت منه .!!!!!

ياشباب ركزوا الحمله الآن تتجه عند البعض لجوجو فقط

الحمله لجميع الوكالات

===================================
وبعدها طلعت
===================================

ورحت لم المتحده للسيارات على طريق خريص

وكلاء كرايسلر

و Jeep

ودوج

وأقابل سوري مندوب مبيعات
قلت ابي تشارجر 2009 RT فل كامل

قال سعرها بـ 145 ألف و 600 ريال

قلت بعد الحمله والا قبل ههههههههههه

تغير وجهه وقال الحمله هذي مو علينا لغيرنا ولو ماحجزته صدقني بيروح عليك

واللي استغرب منه فيه سذج يشترون .!!!!
قلت لا مابي احجزها خلها تصدي

واطلع واخليه

تذكير أخير

وحدو المقاطعه على جميع الوكالات وليس جوجو فقط
الهمه الهمه ياشباب وبنوصل للقمه الوكالات منهاره

اذا فيه احد عنده شك يسأل أي واحد بالميناء أو الجمارك ويعلمه القصص

والسلام خير ختام

تقبلوا تحياتي
اخوكم عبدالعزيز