مثل ماهو معروف شركة الاحتيالات السعوديه ما تخلي الاحتيال على عملائها

والامر هذا متأصل وبفهلوه عند موظفيها الا من رحم ربي


بقولكم وش صار معي والله يشهد على كلامي ويحاسبني يوم العرض عليه اذا كنت بكذب بكلمه وحده


اشتركت في خجمة الاهل والاصدقاء وحبيت استفيد من التخفيض على خمس ارقام احددها وبنسبة تخفيض 25 بالميه على ما يقولون

وطلب مني الموظف تحديد الارقام وقال واحد منها خارج شبكة الجوال وحطيت رقم موبايلي يبدأ بـ 056 وكملت له الباقي

وبعدها قال اوكي وبعد فتره كلمت على اساس اضيف رقم ثالث بعد ضفت في البدايه رقمين ومع الرد الآلي اخترت خيار معرفة الارقام طلع لي الرقم حق موبايلي 0506

يعني تغير الرقم من موبايلي الى الجوال واصبح رقم مستحيل اني ادق عليه ولا راح استفيد من الرقم الي حطيته في البدايه

كلمت الموظف قال ما عندك موبايلي عندك رقم 0506 جوال

وعرفت ساعتها ان التدقيق وراهم ضروره


حبيت انصحكم واحذركم

هلا بك
لم اشترك بأي خدمة منهم لعلمي أن الخدمات المقدمة لم تقدم لسواد أعيون المشتركين.. بل إن المكسب الأكبر منها لهم
وفعلًا التدقيق وراهم مطلوب

جزاك الله خير

دائما نصب واحتيال

الغالي أبو ميار

فعلاً كلامك صحيح لما قرأت موضوعك جيت اشيك على قائمة الاهل والاصدقاء استغربت أن رقم احد الاصدقاء كان وموجود واختفى السبب أنه كان اتصالات وحول على موبايلي فاختفى من القائمة من دون أبلاغي اتصلت عليهم وطلبت تعديل القائمة وتاكدت منها وما قصر الموظف فعلاً كان قمة بالاخلاق والتعامل للاسف ما سمعت أسمه والا كان ذكرته

مشكور على التنبية أخوي أبو ميار فعلاً أفدت

شكرا على التحذير والتنبيه

الحمد مقاطعين جميع خدمات شركة النصب والنهب
وكأن الله في عون الشعب السعودي ومعاناتة مع لصوص الأتصالات

تسلم اخوي

تسلم
على
التنبيه

أنا عن نفسي مقاطع جميع خدماتهم والتي في ظاهره مصلحة المشترك وفي باطنها لهف ما في جيب المشترك بأي وسيلة كانت .
وحسبي الله على كل محتال ومن يحاول استغلال الناس بغير حق.

الله يهدهاا من شركه لي اربع شهوووووووووووووور بدووووووووووون جواااااااااال
اول شي ((عزيزي العميل سدد ولا قطعنا الجوال عنك بمبلغ 600))وفعلا قطعووه
سددنا وقلنا ماعاد نبغا منكم شي يامال الضعفه اي والله نبغا نحول لموبايلي
وطلبنا تحويل وللحين باكمل شهرين ماوافقوا على الطلب <<والله لو انها خطبه وزواج يمدينا خلصنا من سنه جدي
لا بعد داقين علينا يقولون ليش تبون تحولون لموبايلي << يقال مايعرفون وش السبب
قلنا كل فتره تحسبون علينا رسوم خدمه واحنا مافاعلناها والله انها سنه كامله وحنا نسدد الفاتوره ومعها رسوم خدمه حظر المكالمات الدوليه وخدمه الرسايل التبادليه وخدمه ابواب وخدمه النت
وكلها اعرفها بالاسم بس ماعمري استخدمتها قالوا ((ادفعوا )) ياحبهم لذي الكلمه 50 ريال خدمه شبكه قطع ان شاء الله مع اني متاكده انهم بيطلعون لنا سالفه بكره وبيقولون ادفعــــــــــــــــــوااا
ويقولون سعر الرساله مو 25 هلله 75 هلله على قول الموظف
الله حسيبهم بــــــــــــــــــــــــــــس