بوسعود لتوصيل المشاوير الخاصه

**باريس** · 16-08-2010, 04:52 AM

علمتني الحياة..أن أجعل قلبي مدينة .. بيوتها المحبة والعفو..

وأن أعطي...ولا أنتظر الرد على العطاء..

وأن أصدق مع نفسي.. قبل أن أطلب من أحد أن يفهمني...,,

الســــلام عليكم ورحمة الله وبركاته ...

يسعدلي صباحكم / ومسائكم

مباركم عليكم الشهر الفضيل (( وكل عام وانتو بألف خير ))

بصراحه انا ما ادري وين احط هالموضووع وتوهقت بصراحه قلت بحطه هالموضوع هنا لاني بصراحه اول مشاركه لي بهالمنتدى وما عرفت احط موضوعي معا الشباب الي حاطين ارقامهم لتوصيل المشاوير الخاصه .. واعذروني اني دااااااخل عرررض علييكم تعرفووون رمضاان والليل قصير مالي خلق اشغل مخي واجد

..

سكني بالدمام واوصل مشاوير خاصه ..
اوصل لدول مجلس التعاون.
وموظفاات وموظفين للتعاقد الشهري

نوع السياره كامري ابيض

2006 خصوصي ماهو لموزين

والي حاب انه يتشرف ويدق عليا لأي مشاوار انا حاضر ..العن ابو الطفره

تنبييه : للجاديين فقط 00 لا للإستهبال والي بيستهبل حط نفسك مكاني

مالها داعي

الكنيه: بوسعود
الجوال : الجاد يدخل عليا برايفت

تحياتي واشواقي ...

**واضح** · 16-08-2010, 05:03 AM

من رايي يابو سعود
ﻻ تحط رقم جوالك اللي يبيك يراسلك على الخاص
ﻻني اعتقد لو ما شلت جوالك بيتقفل موضوعك وانت ابخص
الله يوفقك

**باريس** · 16-08-2010, 05:08 AM

بعد روحي والله يا واضح ما قصرت على النصييحه طيب شلون اشيل رقم جوالي ؟؟
وبعديين والله ما ادري بهالسوالف خااص وبرايفت وعاام و خبرك عليمي توني شاري لاب توب وتوهقت ههههه

**واضح** · 16-08-2010, 05:14 AM

تحت المشاركة مكتوب تعديل ارعصها وعدل
والخاص بتجيك رسالة

**باريس** · 16-08-2010, 05:22 AM

ما قصرت فدييت رووحك والله يا وااضح على هالمداخله الطيبه ،،
وتعرف مكله ما انبنت بيوم واحد << وش دخل هاذي
لا بس حبيت اعلمك انو البدايه لازم الواحد يضيع شوي بعدين تتضح الصوره قدامه

شكرا يا بطل ...

**باريس** · 16-08-2010, 05:27 AM

شاكرلك يا بطل تعرف اول مشاركه لي وانوااع التخبييط يالله هاذي الدنيا

مغسي بكو اخوي واضح على المداخله الطيبه

**نجم سهيل11** · 16-08-2010, 03:15 PM

الله يوفقك اخوي بو سعود ويرزقك كل ماتتمنى

اللهم آمين

**باريس** · 16-08-2010, 07:10 PM

اقتباس:

المشاركة الأصلية كتبت بواسطة نجم سهيل11

الله يوفقك اخوي بو سعود ويرزقك كل ماتتمنى

اللهم آمين

يحفظك ربي يا عسل ( نجم السهيل ) ويرزقك انشالله ويرزق كل طفران انشالله ولا ولا يصير في احد مطفر

**عادل آل ابوعليان** · 16-08-2010, 10:50 PM

تمام عليك يا أبو سعود نسأل الله أن يرزقك من فضله و نتمنى من الشباب يحذو حذوك حيث أن طلب الرزق واجب شرعي وأخلاقي و دنيوي
نسأل الله أن يرزقنا الفردوس الأعلى وجميع المسلمين
موفق

**باريس** · 17-08-2010, 12:17 AM

اقتباس:

المشاركة الأصلية كتبت بواسطة عادل آل ابوعليان

تمام عليك يا أبو سعود نسأل الله أن يرزقك من فضله و نتمنى من الشباب يحذو حذوك حيث أن طلب الرزق واجب شرعي وأخلاقي و دنيوي
نسأل الله أن يرزقنا الفردوس الأعلى وجميع المسلمين
موفق

جزاك الله خير اخوي عادل أل ابو عليان وشاكرلك على مرورك الجميل