السلام عليكم

شباب انا امس رحت معرض عبداللطيف جميل ناوي على جيب اف جي
المهم شفته من داخل مافيه اي تكلَف ابدا من جوا عادي جدا وفتحت الكبوت لقيت على يسار المحرك مكان فاضي (اتوقع كان فيه شي وشاله عبداللطيف )

رحت للموظف وسألته عن السعر قال الفل بـ123000 ريال , طبعا الفل بدون جلد وتخشيب وفتحه سقف وحتى المكيف عادي وطبعا انتم عارفين ايش مميزات الفل
وسالته عن اللي اقل من الفل قال 113000 ريال ,
ويفرق عن الفل انه بدون المصده (القطعه كبيره اللي تحت المحرك ويقول انها تصد الرمل عشان مايدخل ) وبدون هزاز وبدون القطعه الحديديه اللي ورا ( الونش) طبعا الونش ماهو آلي نفس ونش لاندكروزر موديل 85 ووفوق هذا بدون وسائد هوائيه جانبيه

بس برايي ان السياره كويسه وداخله مزاجي بس اللي يقهر ان ينقصها شوي من الفخامه اللي نلاقيها في اقبح السيارات عالعموم السعر اشوف انه مكلف وشكلنا احنا اللي بنصدي دام المعرض مليان اوادم
لكن العبره في الخواتيم