كل واحد يقولنا بكم يغير الزيت - الصفحة 5

**مرمر** · 16-06-2010, 01:55 PM

سيارتي سوناتا 2009 اغير الزيت GTX مع السيفون ب 100 ريال

الزيت 5 علب والسياره تاخذ اربع ونص

السيفون 25 ريال

**الشاب اللطيف** · 07-08-2010, 11:52 PM

اقتباس:

المشاركة الأصلية كتبت بواسطة xaymans

السلام عليكم

حاب اسألكم عن انواع الزيوت الممتازه واسعارها

انا واعوذ بالله من كلمة انا

استخدم زيت بترومين الترا 7 مع السيفون

كلها بـ75 ريال .؟ هل ينضحك علي ؟ لان بصراحه مالي خبره فيها

ايشرايكم ياجماعه

وياليت كل واحد يكتب نوع الزيت وبكم يغيره مع السيفون

وشكرا

طيب اخوي كم عليه زيت تغير ؟؟ وماهو نوع سيارتك ؟؟

**الشاب اللطيف** · 07-08-2010, 11:56 PM

انا اغير جي تي اكس كاسترول 10 /30 ب14 ريال .. وسيفون الفورد من الوكاله ارخص من الورش في الوكاله ب15 ريال وبرا ب20 ريال وعند محل التقوى يعطيك سيفونين ب15 ريال.. لا تنسونا من الدعاء..

**صريح وبدون لف دوران** · 13-08-2010, 12:23 AM

سيارتي هوندا أكورد .. 4 سلندر

كمية الزيت المطلوبة (بدون تغيير سيفون) = 4 لتر فقط

كمية الزيت المطلوبة (مع تغيير سيفون) = 4,2 لتر

-----------------------------------------------------------------------------------------

يا اخي البناشر نصابين ..

تدرون كم يبيع السيفون

بـ 25 ريال وعشاني زبون واخواني زباين له وأقاربي

ينزلي السعر ويخليه بـ 20 ريال

سعره بالوكالة بـ 16 \ 17 ريال

وهو يبيع ياباني على ما اعتقد ( يعني من محلات قطع الغيار ) .. ويقولي وكالة

قبل كنت على نياتي واصدقهم ويلعبون علي لعب الله لا يوريك .. لكن الحين عرفت نصب البناشر

و زيت فوكس سوبر GT يبيع علي العلبة بـ 13 \ 14 ريال تقريبا

يعني ياخذ 85 ريال

+ غسيل سيارة مجانا
---------------------------------------------------------------------------------------------

طبعا اذا سالتهم عن أي شيء ( يقولك أأأأأأأأأأأأصلي ) وهو تجاري !!

يربح أرباح جنونية

قطعة أو شيء تجاري ورخيص = يبيعه عليك على أنه أصلي ؛ لا وبعد سعره أغلى من الأصلي بالوكالة

ويبغى الربح وبس ويمشي بضاعته

للأسف مافيه ضمير ( الدنيا كلها غش × غش ) وين الرقابة !! وين العقوبات !!

-------------------------------------------------------------------------------------------------

انا والله لو عندي حفرة أو أقدر ادخلها بيتنا

لأغير زيت وسيفون سيارتي بنفسي

وزيت القير بعد

والبواجي والكويلات
والفلاتر

والفحمات بعد

وكل اللي اعرف له

* تراي خبرة شوي بالميكانيكا

لكن المشكلة .. سيارتي ما اقدر ادخلها بيتنا .. لأن عتبة باب البايكة ( الكراج ) سيئة جدا

وتحك السيارة فيها ما اقدر ادخلها بتاتا ..

فقط الجيوب والوانيتات

تستطيع الدخول للبيت

**AbOAdEb** · 24-08-2010, 04:38 AM

هايلكس 2009 الزيت مع السيفون 109ريال\\||| زيت بس 75 جي تي فوكس
جمس 1999 الزيت مع السيفون 95 ||||\ \\\\ زيت بس 70 جي تي فوكس
والله نصب عيني عينك
جزاك الله خير يأبو عواد على المشورة تبع الكرتون

**jamal1402** · 27-09-2010, 04:50 PM

والله يا أخوان انا كنت اشتري بالكرتون واحطه في البيت

واغيره بخمس ريال

لكن الاونه الاخيره لفيت كل البناشر وما لقيت ولا واحد يغير بخمسه .. اغلب البناشر ابو يمن وصارو متكاتفين
ورحت لحي مجاور وللأسف كلهم موحدين على 10 ريال

**king_tsunami** · 13-11-2010, 10:52 PM

مشكور على الموضوع الجميل والرائع انت والاخوة جميعا لما فيه من مصلحه للجميع

ارجو من وزارة التجارة او حماية المستهلك او البلدية وضع تسعيرة لتغير الزيت اذا كان الزيت من العميل افضل للجميع وافضل من الجلوس في مكاتبهم اقل شي يسون شي وزارة التجارة او حماية المستهلك او البلدية وتقبلو تحياتي

**ابوعمارالمحتار** · 08-03-2011, 08:43 PM

اغير زيت سوبرجيتي اخذ من محلات الجملة الحبة 10 ريال سيارتي كامري اخذ 5علب 50ريال واخذ السيفون من وكالة تايوتا 20ريال واغيرة بيدي واعتزلت البناشر من زمان ولا بد ان اي سعودي يكون لدية وعي واللة الاجانب يستغفلونا ولو كل سعودي اعتمد على نفسة كان هذا افضل البواجي نفس الطريقة الاقمشة كلها اشياء بسيطة واللة يوفق

كل سعودي

**alasuk1** · 05-08-2011, 04:53 PM

لا حول ولا قوة الا بالله