أخـــــبـــــار المقاطعه من محافظة النماص بجنوب المملكة

**أمير المقاطعه** · 14-08-2011, 08:47 PM

السلام عليكم ورحمة الله وبركاته

مضى نصف رمضان ومقاطعة المراعي كانت بشهر 8 وببداية رمضان مخزيه وتحطم الواحد

ولكن ولله الحمد مع مرور الأيام أصبحت المقاطعه تنتشر بفضل المصيفين <<< مثلي

طبعا أحس أني رفعت ضغط الناس من كثر ما أنصحهم والغالبية تتفهم وتتحمس بعد ذكر أن السبب في ارتفاع الالبان من 5 ريال حتى 8 المراعي وهم بعد السبب في ارتفاع الدجاج وأقلهم الحين احنا انخنقنا بإسعار الاغنام وتوجهنا للدجاج وصار اللي بـ9 ريال 14 ريال الحين انت اخذت دجاجتين بـ 28 ريال بدال 18 ريال وكل غرض ماخذه يكون الفارق 10 ريال و15 ريال يعني كم بيكون التوفير لو قاطعنا ورجعنا الاسعار مثل ما كانت

ومحد يجبرنا نشتري شئ معين

وموقف مع أحد الشياب قلت يا عم هذا المراعي اتركه لهم قال الله يسعدك يا ولدي نورتني وراح للعامل قال غيره وأنا مبسوووووووووووط

الشايب مقاطع بس ما يعرف

طبعا الصورة لسوبرماركت وبالمنطقة المركزية المعروفه بالمنشيه دخلت الظهر وأخذت غرض

وبحكم طبيعة العائلة السعودية لازم ترجع وتجيب رجعنا العصر ونفس الحركة محد اشترى وساقتني الاقدار اني ادخل بالليل نفس البقاله

ولقيت الثلاجه مثل ما هي وصورتها على سريع لا احد يفضحنا