ابو هشام والله بعد الفتوى اياها الي حللت الرشوة بمجتمع زينا وش تبي يصير الكل بيدج على وجيههم والعذر موجود
لكن لو ديوان المراقبة الي بس فالح بصغار الموظفين وتارك الكبار خوفا وخشية من المسئولية يقوم بعمله المناط به ولا يخافون في الله لومة لائم والله تتعدل الامور ويصير هناك ثقة بالانظمة والقوانين بس على سبيل المثال تذكرون المجاهر بالمعصية تمت محاكمته بس لانه شوه سمعة المملكة مو انه اعترف بالزنا ولم يتم اقامة الحد الشرعي عليه هذا هو سبب جراءة صالح كامل واعترافه لنه دفع رشواوي لا وقدام وزير العمل يعني كانه مزهرية ما كانه ممثل عن الملك الي معينه بهذي الوظيفة
مااخفيك اني استبشرت خير بتعيين الامير مقرن لرئاسة الاستخبارات لكن ماهناك شيء خاص بالفساد حتى يتم تبليغهم اولا باول طيب وين دور المباحث ؟ وش فائدتهم مافيه
طيب لازم حل الحل من وجهة نظري تكون مملكة دستوريه يعني زي بريطانيا الدنمارك البحرين بحيث اي وزير يتم انتخابه من المواطنين يحاسب ويشهر به على الملاء لان والله صرنا شعب نخاف من الناس اكثر من الله ولا حول ولاقوة الابالله
او انشاء محكمة لاتتبع للعدل لانهم والله داجين وتكون مثل المدعي الاشتراكي بمصر ويكون سؤال كل وزير يتم تعيينه السؤال الذهبي (من اين لك هذا؟) وبعد نهاية خدمته يمر عليهم الله لايهينه ويتم محاسبته وتبرئته او ادانته
هنا نقدر نقول انا قدرنا نوصل لمرحله (ليطمئن قلبي) ولا يتعب نفسه ابومتعب ولا شورى ولا خراط فاضي
والله من وراء القصد

أنا أشهد كلام خلف في الصميم بصراحه ، وتعجبني كتاباته . وياليت دائماً أخوي ابو هشام تجيب لنا هنا بعض كتاباته لأن أسلوبه دغري وواضح وملامس للواقع .

صار الفساد فعلاً منا وفينا ، ما عنه غطا ، وفعلاً صارت موضه من بعض المسئولين، اذا قال (أنا أعترف بوجود فساد في دائرتي) كنه جاب الديب من ديلو وكنه فاهم وما يفوت عليه شئ ، ويشعر بالقوة والمفهومية ، ويعتبر ان جل عمله ينتهي بمجرد هالاعتراف . مع انه ما يدري انها رسالة مبطنه للعاملين تحته ، مختصرها : استمروا الله يقويكم ؟، تراي داري، بس منب قايلن شئ

المشاركة الأصلية كتبت بواسطة سلمان الجميري

الحل بحيث اي وزير يتم انتخابه من المواطنين يحاسب ويشهر به على الملأ

أخوي سلمان، ترى لا يوجد أي وزير في العالم أجمع يتم انتخابه ، جميعهم بالتعيين ، لكن رئيس الوزراء في بعض البلدان هو من يتم انتخابه وهو بدوره يختار ويعين الوزراء .

الوزير المعين أفضل ، على أي حال ، والأهم أن يتم حسن اختياره ويكون مسائل ويجب ان تتم متابعة عمله وعزله عند الحاجة من قبل من عينه .

لكن لو كان منتخب ، فلا يمكن يشيله الا اللي حطه ، مثل الحمد مثلاً ههههههههههه

ولو تلاحظ في الدول الديمقراطيه ، يقوم النواب (المنتخبين طبعاً) بمسائلة والتحقيق مع الوزراء (المعينين) وسلطة النائب المنتخب أعلى رسمياً من سلطة الوزير بالطبع وأعلى حتى من سلطة رئيس الدولة في بعض الدول ، لأن النواب في بعض الديمقراطيات يستطيعون سحب الثقة من الرئيس او من رئيس الحكومة المعينه وبالتالي وزرائه جميعاً .