ما تشوفين شر ان شاء الله طبعاً حول سن معين يبدأ الانسان اللي نظره طبيعي بالضعف من ناحية القراءة والأشياء القريبة ، مثلاً أنا بدأت قبل فترة من الزمن ما عاد أشوف حروف الكيبورد زين وما أقدر أقرأ الرسائل في الجوال ، ولا اقدر اقرأ الجرائد ، وكل شئ طبعاً مشوش ، وكنت أبعد الشئ عن عيوني ، وتطلع أوضح لكن ماعاد أقدر أقرأها لأنها صارت بعيدة .

رحت لمحلات نظارات ونفس الطبيب اللي عندهم فحص لي النظر وقال فيه ضعف عندك للقراءة فقط ، وقص لي نظارات ، في البداية كويسة ، لكن بعد مرور حوالي 3 أشهر صارت النظارة برضه مشوشة والسبب ان النظر يضعف أكثر وأكثر مع الوقت . ولازم تغيرها .

بالنسبة لك وضعك مختلف انتي تقولين ما تشوفين البعيد (لوحات ارشادية وترجمة) ، عموماً ما فيه شئ يخوف ، هذا شئ طبيعي وأعتقد طبيب محلات النظارات كافي في هذه المرحلة ، وهذا يعتبر ضعف نظر .
باقي التساؤلات بخصوص الطبيب والرهبة ، ما اعتقد ان شاء الله فيه شئ يستحق الرهبة ، والطبيب والطبيبة ما يفرقون ، لكن ثقي ثقة تامة ، مهما كان الطبيب وشهاداته أو مكان عمله أو سمعته ، ما تدرين وين الطبيب المناسب فيه أبداً ، لقيت علاجات مناسبة وشافية عند أطباء ما توقعتها عندهم ، بعد دوراني على أفضل وأغلى الأطباء اللي ما فادوني بشكل دقيق (في أشياء أخرى طبعاً غير النظر) . بسيطة ان شاء الله ضعف النظر .
وكلك نظر .