موضوعك عقلاني
إذا مخمخت جلست وفكرت فيه
وأعطيك رأيي بالتفصيل
لي عودة

ترأس وزير التجاره وفد يضم نخبه من رجال الاعمال
لزيارة اليابان لطرح فكرة انشاء مصانع للشركات اليابانيه بالسعوديه
مع تقديم تسهيلات مميزه تنفرد بها اليابان عن بقية الدول الصناعيه
كله علشان عيون الصناع اليابنيون 0000

ايش كان رد اليانين 0؟؟؟

اسفين لا يوجد عندكم ايادي عامله وطنيه ولا مياه حلوه كلها من التحليه ؟؟؟


اخي الكريم لسنا ضد العماله الاجنبيه لانهم غير سعودين

ولكننا ضد التحكم الاجنبي بقوت ابناء الشعب السعودي
واكيد ومؤكد اننا نحن ابناء الوطن لنا دور كبير بفرض تحكم الاخنبي بقوتنا وقت ابنائنا

من خلال تخاذلنا وتكاسلنا وتعيبنا للعمل المهني
مع انه يوفر للشباب دخل اكثر من رئيس قسم بمصلحة ما بإحد الدوائر الحكوميه

والمشكله اللي تخلينا ننظر الى بعض القوميات الاجنبيه عندا
المشاكل والاحداث والنهب والسلب التي تتميز به احد هذه الجاليات للاسف
مما زرع بعقولنا مثل هذه النظره التي تعاتبنا بها
وإن كنت انت على حق ولا انكر لك ذلك
ولكن الحاجه هي ام الاختراع بالنسبه لنا

دمتم بخير

الأخ kemos

اولا اتمنى ان تحذف اول سطر من مشاركتك لكي يكون النقاش كما هو في العنوان

اذا نظرنا الى العمالة الوافدة نجد ان عددهم يتجاوز السبعة مليون والقطاع الخاص له نصيب الأسد منهم بسبب انخفاض الأجور.... وهذا يعتبر من اهم الأسباب لمشكلة البطالة
وانا لا احمل القطاع الخاص كل المسؤلية, فوزارة العمل تطالب القطاع الخاص بتوظيف الشباب السعودي وفي نفس الوقت لم تحد من استقدام العمالة الأجنبية.... وهذا يدل على انها غير صادقة بحل هذه المشكلة

هل السعودي فعلا انسان كسول ومدلل ولا يرضى بممارسة بعض المهن لأنها عيب؟

لنكن صادقين ونضع انفسنا محل هذا الشخص العاطل.... اليس له الحق في الحصول على وظيفة او عمل يضمن له العيش كبقية الناس, اليس له الحق بأن يتزوج وان تكون له اسرة, الا يحق له ان يكون له مسكنه الخاص وان يسلم من هم الإيجارات.... قبل ان نطالبه بكنس الشوارع وحمل الزبالة وتغسيل الصحون يجب ان نتحدث عن المرتب الذي سيتقاضاه
الأجنبي الذي يستلم 1500 ريال.... بعد عدة سنوات تجده قد اشترى مزرعة كبيرة في بلده وبنى عليها قصر
اما نحن وفي هذا الوقت فالموظف الذي مرتبه 4000 ريال يعتبر من المستحقين للصدقة.... وان وجد مصدر دخل آخر فسيكون على حساب زوجته واطفاله وعلى حساب صحته

هناك من العاطلين عن العمل من يحمل شهادة جامعية وكل ذنبه ان تخصصه اصبح غير مطلوب.... ومع ذلك فتجده في وظيفة براتب متواضع او يقوم بأعمال اخرى ليس لأنه مقتنع بها ولكن لكي يصرف على نفسه و يريح اسرته من بعض المصاريف


انا متأكد ولن احلف بأنه لو وجد وظائف زبالين بمرتب 6000 ريال لوجدت من يتقدم لها.... اما ان نضع مرتب 2000 ريال واذا لم يتقدم احد نقول " هذولا ماهم حقين شغل " فهذا ظلم

من كان في خير فليحمد الله وليدعو لغيره .... وان كنت وزير فلا تتحدث باسم الفقير

اول شي انت بادي متحمس فما ادري هل انت أجنبي أو مقيم كما يقولون ام انك سعودي تاكل بملعقه من ذهب

ثانيا وش الفرق بين السعودي والاجنبي لايكون الاجنبي جاي من كوكب آخر ؟؟

فروق بالتفكير مافيه ولا بالعقل ولا بالمسؤوليه بل بالعكس الانجازات التي حققها السعوديين في كثير من المجالات كثير جدا جدا لم يحلم بتحقيقها الاخوه المقيمون

نعم هناك اشاء أخرى

ومنها :

اولا السعودي مايشتغل سباك لأنه ببساطه مايعرف يشتغل سباك
لو الدوله وفرت له تعليم كيف تصبح سباكا ماهرا كان الحين مافيه ولاسباك أجنبي وقدرنا نستغني عنهم
لكن الشيخ وزير العمل يبي الواحد يصير سباك بدون شهادة سباكه واذا طلع شهاده بيعطيه راتب 700 او 800 ريال

ثانيا نحن قوم لنا عادات وتقاليد مانتركها ولن نتركها واهمها الكرم والضيافه
يعني يجيك ضيف تذبح له دجاحه او فرخ ؟؟ خلوكم واقعيين
والاتقوله اعذرني انت جيت في وقت بايخ وراتبي 2000 مايكفي حق ذبيحه؟

ثالثا ايضا عاداتنا وتقاليدنا لو انا شديت حيلي وقلت يالله من بكره بصير سباك او معلم شاورما

تعتقد ان في احد بيزوجني ؟؟

البنت ترفض واهلها ومو بس عشان الشغل عيب ومدري ايش لا

معلم شاورما بيدفع مهر؟؟ وتعرفون المهور كم الحين

بياخذ قرض من البنك ؟؟

من بيكفله ؟؟ وين البنك اللي بيعطيه وجه ؟؟

بيشتري بيت يقدر؟؟

يوفر لأهله كل شي؟؟

يشتري سياره ويستر نفسه عن العالم ؟؟ او يروح مايجمعه من الشورما لليموزين ؟؟

علاج ومستشفيات يقدر ؟؟

فواتير تليفون ثابت وجوال له ولأهله يقدر؟؟

اشياء كثير لو بعددها بجلس يومين

يجيك واحد يقولك اشتغل في مطعم بعد سنه تصير مدير عليهم وشوي تصير مشرف على الفرع لين مايصير المطعم لك <<<<<<< كلام فاضي

لأنه بيذبحني الجوع قبل تنتهي السنه

ياوزير التجاره عطني راتب5000ريال وانا اصير ملعم شورما كسّيـــب على قولة الاخوه العرب

ثالثا انتم تعتقدون ان السعودي حاسد وحاقد على الاجنبي ليش انه موظف وبن البلد عاطل

كلام غير صحيح
السعودي مقهور من الحكومه مو من الأجنبي اللي تبي السعودي يقول لمدير الشركه الخاصه

ســم ياعمـّـي

الزياده والرواتب والعيش الرغيد الأحق فيها هو السعودي اولا وثانيا وثالثا لأن في وقت الجد الأجنبي بيجمع قشه

ويروح يصير بيــــه في بلده ..

(بإذني سمعتهم في حرب الخليج ان شاء الله بيطيح الصاروخ على راس فهد) خســـــــأت <<المقصود هو قائل العباره

الاجنبي يقدر يعيش بـ1000 ريال لاعزايم ولاجوال ولاثابت والمستشفى اصدقاءه مايقصرون ولايدفع مهر غالي ولايشتري بيت ولايتمشى وغيره وغيره وغيره

والله الذي لاإله الا هو اخوي في شركه خاصه وشايل الفرع على راسه ودوام من 7 الى 12 ومن 3 الى 8 ليلا
وراتب 1500 ريال

كرفوه كرف طلعوا ريحته وآخر شي فصلوه نحن مستغنين عنك لأن الفرع خلاص بيتقفل في المنطقه
تبي تروح معانا حياك راتب 2000 ريال

وش تسوي 2000 ريال ؟؟؟؟ وانت في منطقه ثانيه ؟؟

والاجانب في الشركه انواع المكائد والتخطيط عليه تصدقون ما اخذ حقه الا لما سوينا فيلم امريكي تسجيل صوت الاجانب في المكتب وهم يخططون ويلعنون ....

حسبنا الله ونعم الوكيل

ويجيك واحد يقولك انتم حاقدين على الاجانب يا اخي بلدنا بلد خير وعطاء ميزانية التعليم فيها فقط اعلى من ميزانيات التعليم في الدول العربيه مجتمعه يعني مايضرني لاراتب الاجنبي ولاغيره الله يهنيه فيه
لكن لاتصورون السعودي كانه حاسد وحاقد
السعووودي مقهور من الحكومه والتجاهل

ومطالبه الشعب بالعمل دون خبرات جديه ولا تشجيع ولارواتب

والكلام يطول يامعالي الوزير

حسبنا الله وكفى

سؤالي لك ليه جبته وعلمته كل شي وانت وينك وفي الاخير لما يصير المحل مايمشي الا بوجوده تشتكي وتقول ياخساره ولو هو جمع قرشين ولقى اللي يدعمه ماديا وفتح نفس نشاطك جنبك وش بتسوي بتقول خانني والا بتقول دور رزقه؟؟؟؟

و مين قال إن علمته و تركته في المحل لوحده؟؟

في الأساس الشغل كله على يدي أنا و بحمدالله ياتي أناس للمحل بحثا عني و عندما يرون العامل الأجنبي أول سؤال يسألونه : فين السعودي؟
الشيء الثاني .. المحلات المنافسة إللي بأتكلم عنها ماتفرق عن محلي شيء .. بمعني إن حجم المحل واحد .. يعني ماتقول محل كبير يحتاج أكثر من عامل و الشيء الأخر إنهم عارفين طبيعة الشغل و ضحكهم على ذقون الناس و مايبغوا سعودي يخش معاهم في المنافسة و يكشف خباياهم.

وصدقني إني ما بأقول هذا الشيء من فراغ .. إلا من واقع إكتشافات و معاناة شخصية.

أخيرا .. العامل إللي حصل معاه الموقف ساب الشغل عندي وراح أشتغل في محل ثاني في نشاط مختلف تماما عن نشاط محلي و عندي الآن عامل غيره .. والله يستر من العيون عليه.

(((هل السعودي فعلا انسان كسول ومدلل ولا يرضى بممارسة بعض المهن لأنها عيب؟

لنكن صادقين ونضع انفسنا محل هذا الشخص العاطل.... اليس له الحق في الحصول على وظيفة او عمل يضمن له العيش كبقية الناس, اليس له الحق بأن يتزوج وان تكون له اسرة, الا يحق له ان يكون له مسكنه الخاص وان يسلم من هم الإيجارات.... قبل ان نطالبه بكنس الشوارع وحمل الزبالة وتغسيل الصحون يجب ان نتحدث عن المرتب الذي سيتقاضاه
الأجنبي الذي يستلم 1500 ريال.... بعد عدة سنوات تجده قد اشترى مزرعة كبيرة في بلده وبنى عليها قصر
اما نحن وفي هذا الوقت فالموظف الذي مرتبه 4000 ريال يعتبر من المستحقين للصدقة.... وان وجد مصدر دخل آخر فسيكون على حساب زوجته واطفاله وعلى حساب صحته

هناك من العاطلين عن العمل من يحمل شهادة جامعية وكل ذنبه ان تخصصه اصبح غير مطلوب.... ومع ذلك فتجده في وظيفة براتب متواضع او يقوم بأعمال اخرى ليس لأنه مقتنع بها ولكن لكي يصرف على نفسه و يريح اسرته من بعض المصاريف


انا متأكد ولن احلف بأنه لو وجد وظائف زبالين بمرتب 6000 ريال لوجدت من يتقدم لها.... اما ان نضع مرتب 2000 ريال واذا لم يتقدم احد نقول " هذولا ماهم حقين شغل " فهذا ظلم)))

السلام عليكم
فقط حبيت اعلق على كلام الاخ الدمام و V2

كلامكم منطقي لكن اظن انكم اغفلتم نقطة مهمة برايي وهي
هل تقعد في بيتكم كعاطل تبحث عن وظيفة ؟
او
تمسك وظيفة ب 1500 ريال وتواصل البحث عن وظيفة ترى انها تليق بمؤهلك وشهاداتك؟
الخيار الثاني برايي هو الصحيح
ولهذا ان وجدت على سبيل المثال وظيفة براتب 2000 فانا لا اعتقد ان هذا ظلم او عيب لان البديل هو صفر ريال في الشهر وعطالة وعدم اكتساب خبرة
صحيح نحن نرغب بان ترتفع الرواتب وان تجبر الحكومة القطاع الخاص على رفع الحد الادنى من الاجور ( خصوصا وان التجار هنا لا يدفعون ضرائب ) لكن هذا كله في زاوية , والمتوفر في زاوية

((ثانيا نحن قوم لنا عادات وتقاليد مانتركها ولن نتركها واهمها الكرم والضيافه
يعني يجيك ضيف تذبح له دجاحه او فرخ ؟؟ خلوكم واقعيين
والاتقوله اعذرني انت جيت في وقت بايخ وراتبي 2000 مايكفي حق ذبيحه؟
))

الكرم والضيافة موجودة في العالم كله وليست حكرا علينا , والجود من الموجود , ولو اتاك ضيف وذبحت له خروف بدلا من الدجاجة فهذا ليس كرما بل اسراف ومباهاة وتقليد للاثرياء
وراتب ال2000 مع الحركة واكتساب الخبرة والاحتكاك افضل من الصفر والجلوس في البيت

((ثالثا ايضا عاداتنا وتقاليدنا لو انا شديت حيلي وقلت يالله من بكره بصير سباك او معلم شاورما

تعتقد ان في احد بيزوجني ؟؟

البنت ترفض واهلها ومو بس عشان الشغل عيب ومدري ايش لا

معلم شاورما بيدفع مهر؟؟ وتعرفون المهور كم الحين)))

معلم الشاورما افضل من العاطل يا اخي واجدادنا كانوا يزرعوا ويفلحوا ومنهم الجزار والفوال وحامل الامتعة في الموانئ والنجار والخ
هذه مو عاداتنا وتقاليدنا هذه ممكن تكون عادات وتقاليد طفرة البترول

وشكرا

أمر اخر خطر ببالي عندما قرات تعقيبك اخي هشام ..
وهو لماذا لم تحاول توظيف عامل سعودي عندك بالمحل بدلا من العامل الهندي؟
وشكرا

تقول :
السلام عليكم
فقط حبيت اعلق على كلام الاخ الدمام و V2
كلامكم منطقي لكن اظن انكم اغفلتم نقطة مهمة برايي وهي
هل تقعد في بيتكم كعاطل تبحث عن وظيفة ؟
او
تمسك وظيفة ب 1500 ريال وتواصل البحث عن وظيفة ترى انها تليق بمؤهلك وشهاداتك؟
الخيار الثاني برايي هو الصحيح
ولهذا ان وجدت على سبيل المثال وظيفة براتب 2000 فانا لا اعتقد ان هذا ظلم او عيب لان البديل هو
صفر ريال في الشهر وعطالة وعدم اكتساب خبرة
صحيح نحن نرغب بان ترتفع الرواتب وان تجبر الحكومة القطاع الخاص على رفع الحد الادنى من
الاجور ( خصوصا وان التجار هنا لا يدفعون ضرائب ) لكن هذا كله في زاوية , والمتوفر في
زاوية

فأقول :
اولا عليكم السلام
ثانيا انت تقول توظف بـ 1500 طيب
انا توظفت بـ 1500 ريال يوميا 25 ريال عشان الليموزين لمده شهر
25 * 30 = 750ريال الناتج اضربه في 2 فترتين دوام صباحيه ومسائيه
750 * 2 = 1500 ريال سعودي

هذا الراتب راح بس على ليموزين

طبعا بما ان هذا ردك يعني المفروض مايكون عندي جوال ولا بيجر حتى عشان مبدأ التوفير ..

انا عمري 26 سنه
تخيل للحظه بس ان هذا راتبي وانا خاطب او اريد ان اخطب ؟؟
تخيل للحظه بس ان هذا راتبي وانا متزوج ؟؟
صاعقه صح <<ان قلت لا فأنت تغالط نفسك ..
لاحظ اني مامعي جوال ولا افصل ثياب ولا اشتري شماغ وملابس داخليه عشان الدوام كل هذا عشان أوفر واقول راتب 1500 يكفيني ..

ثانيا ياعزيزي القطاع الخاص يبي واحد يقول ياعمي سم ابشر على راسي من عيوني ولايهمك لو تخرب مالطا
السعودي مايقدر يقول ياعمي عشان كذا هو غير مرغوب فيه
ثالث شي انا ذكرت لك قصة أخوي المسكين ووش صار معاه بعد كل هالتعب والكرف قالوا له مع
السلامه نشوفك على خير
هذا بالنسبه للشركات الخاصه ..

طيب بالنسبه للوظايف المهنيه سباك نجار و و و و الخ
اعتقد ردي واضح فيها فوق وهو ان السعودي مايعرف لأنه ماتعلمها اصلا ..
لكن معالي الدكتور غافي القصيبي يقول اللي يطلعه الحلاق بالشهر اكثر من راتب وكيل وزاره
طيب شغل عيالك حلاقين بس عطهم دورات تعليميه مع مكافئات للترغيب زي المكافئات اللي في
الجامعات والكليات
بكل صدق اجلس عند اهلي استر لي من هالوظيفه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
تقول :
الكرم والضيافة موجودة في العالم كله وليست حكرا علينا , والجود من الموجود , ولو اتاك ضيف
وذبحت له خروف بدلا من الدجاجة فهذا ليس كرما بل اسراف ومباهاة وتقليد للاثرياء

فأقول :
معاك حق ولكن الكرم والضيافه تختلف من بلد لبلد يعني في بلدان اذا جاهم ضيف يجيبون له فروجه من اقرب مطعم بـ 10 ريال وبلدان تعرف حق الضيف تذبح له شي يليق فيه وفي مقامه بتقول هذا اسراف هاذي وجهة نظرك انا اشوفها كرم ورجوله وهذا اللي تعودنا عليه من الله خلقنا
والجود من الموجود هذا ياخوي كلام مثالي خلك واقعي افضل ولو جاك ضيف اتحداك تعشيه بخاري
بـ10 ريال ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

تقول :
معلم الشاورما افضل من العاطل يا اخي واجدادنا كانوا يزرعوا ويفلحوا ومنهم الجزار والفوال وحامل
الامتعة في الموانئ والنجار والخ
هذه مو عاداتنا وتقاليدنا هذه ممكن تكون عادات وتقاليد طفرة البترول

فأقول :
طيب علمني كيف اسوي شورما واقلب لي مجتمعنا فكريا وخله يتقبل يزوج البنات لمعلمين الشورما وخل البنوك تعطيني قرووض وانا اول واحد بيشتغل معلم شورما

أجدادنا لما كانوا يشتغلوا مثل هالشغل كان الجميع راضي فيهم لأن اصلا مافي غير هالشغل
لكن انك تشوف شخص من جنسيه ثانيه عربي ولا اي شي موظف بوظيفه انت احق منه فيها وراتبه انت يا ابن البلد ماتحلم فيه فهاذي طامه كبرى ..

والمصيبه نعرفهم عز المعرفه اغلبهم يكره هذا البلد كره العمى ويستخفون في بكل شي ولايعجبهم فيه اي
شي لاثقافتنا ولا كلامنا ولاحتى اغانينا ولاقصائدنا ولا اكلنا ولا ولا ولا شي
بالعربي يشوفون السعودي ثوب مليان فلوس فقط يعني انسان فارغ ...

أخيرا

فكونا من المثاليه ويقول الشاعر الصنعاني :
لايعرف الشوق إلا من يكابده 00 ولا الصبابة الى من يعانـــــيها
لا يسهر اليل الى من بـــه الم 00 لاتحرق النار إلا رجل واطـيها

فأقول :
لايعرف الفقر الا من يكــــابده 00ولا البطـــالة الا من يعــــــانيها
لايسهر الليل إلأ من بــــــه إلم 00 لاتحرق النار الا رجل واطيها


حسبنا الله وكفى

الأخ أحمد الصبان....احب ان اشكرك على المداخلة. واتفق معك بأن العمل خير من ان يصبح الشخص عالة على اهله

تمسك وظيفة ب 1500 ريال وتواصل البحث عن وظيفة ترى انها تليق بمؤهلك وشهاداتك؟

اذا انت تتفق معي بأن دخل هذه الوظيفة غير كافي

ولهذا ان وجدت على سبيل المثال وظيفة براتب 2000 فانا لا اعتقد ان هذا ظلم او عيب لان البديل هو صفر ريال في الشهر وعطالة وعدم اكتساب خبرة

الظلم الذي اتحدث عنه هو اتهام الشباب بالكسل وعدم الرغبة في العمل بسبب رفض وظيفة بمرتب اتفقنا على انه غير كافي وليس بأسباب العادات أو العيب

الاخوان
المرن
ابن الوطن
الدمام
v2
ابو هشام
أحمد الصبان
شكرا لكم على مروركم وتعقيباتكم

اول شي انت بادي متحمس فما ادري هل انت أجنبي أو مقيم كما يقولون ام انك سعودي تاكل بملعقه من ذهب

يهمك هالشي؟؟؟؟؟؟؟؟ تعتقد ان هالشي مفيد في النقاش في موضوعي ؟؟؟؟

فروق بالتفكير مافيه ولا بالعقل ولا بالمسؤوليه بل بالعكس الانجازات التي حققها السعوديين في كثير من المجالات كثير جدا جدا لم يحلم بتحقيقها الاخوه المقيمون

يعني السعوديين بس اللي يحققوا انجازات وباقي الدول كلها مسكينه تجلس منتظره ابداعاتنا وش رايك نتكلم بالعقل وبلاش نعلق على كلمة السعودي وصل للمريخ والسعودي نزل لقاع البحر ونتفق انه في كل بلد في ناس تنجز وناس تكسر وناس ماهمها الا لعب البرجون

ثانيا نحن قوم لنا عادات وتقاليد مانتركها ولن نتركها واهمها الكرم والضيافه
يعني يجيك ضيف تذبح له دجاحه او فرخ ؟؟ خلوكم واقعيين
والاتقوله اعذرني انت جيت في وقت بايخ وراتبي 2000 مايكفي حق ذبيحه؟

اول شي الذبايح بالذات 95% من التجار فيها سعوديين ( اللي يقولوا الاجانب هم اللي يرفعون السعر لايتكلموا في هالنقطه بالذات ) بعدين انت اذا مصمم على اكرام الضيف ( الجود من الموجود ) هذا اكبر اكرام والا اشتري كيلو لحم وخلي المدام تكثر الرز وتسوي كبسه واذا مرهـ مصمم انك تذبح وتكرم ضيفك محد مانعك بس لاتقول ياحكومه انتي السبب ليه ماتعطيني راتب 10 الاف ريال حتى اكرم ضيفي ترى محد مسئول عن ضيوفك .

ثالثا ايضا عاداتنا وتقاليدنا لو انا شديت حيلي وقلت يالله من بكره بصير سباك او معلم شاورما

تعتقد ان في احد بيزوجني ؟؟

البنت ترفض واهلها ومو بس عشان الشغل عيب ومدري ايش لا

معلم شاورما بيدفع مهر؟؟ وتعرفون المهور كم الحين

والله الشغل مو عيب واذا بنت عمك ترفضك وهذا الشي من صميم قبيلتكم خل بنات القبيله في كبود ابائهم وتزوجلك اجنبيه ( رغم اني اعرف الكثير من الاسر السعوديه حاليا صايره تدور على ستر بناتها والمهور بسيطه ) والا عندك السعوديات المتجنسات ( يمنيات في الغالب ) مهورهم مهي غاليه ولاتنسى اهم شي الدين والاخلاق.

الاجنبي يقدر يعيش بـ1000 ريال لاعزايم ولاجوال ولاثابت والمستشفى اصدقاءه مايقصرون ولايدفع مهر غالي ولايشتري بيت ولايتمشى وغيره وغيره وغيره

طيب اتمشى روح البر والا اجلس على البحر وجيب قهوتك من البيت والعزايم على قدك ياخي ايش انت تبي كل الشعب غني لابد في اغنياء وفقراء والمستشفيات الحكومه ماقصرت كل شي مجاني والبيت مو لازم كل واحد يملك وبرضه ممكن تقدم وتنتظر تجيك بيت منحه من الحكومه.

انا توظفت بـ 1500 ريال يوميا 25 ريال عشان الليموزين لمده شهر
25 * 30 = 750ريال الناتج اضربه في 2 فترتين دوام صباحيه ومسائيه
750 * 2 = 1500 ريال سعودي

هذا الراتب راح بس على ليموزين

ليه ماتركب باصات ( الحاجه ام الاختراع ) وبتوفر ويصير مشوارك مايزيد على 10 ريالات والا دور سكن قريب من العمل وتوفر حق المواصلات.

ثانيا ياعزيزي القطاع الخاص يبي واحد يقول ياعمي سم ابشر على راسي من عيوني ولايهمك لو تخرب مالطا
السعودي مايقدر يقول ياعمي عشان كذا هو غير مرغوب فيه

وليه مايقول سم طال عمرك يقولوا في الامثال ( اذا لك عند الكـلب حاجه قله ياسيدي ) وهذي من اخلاقيات العمل مو بس في السعوديه لكن في كل محل حتى في امريكا واوروبا لابد في تملق للمدراء ولو بطريقه غير مباشره.

بكل صدق اجلس عند اهلي استر لي من هالوظيفه

طيب خلك مستور لكن لاتجي تقول الحكومه مقصره بحقي دامك للحين بتمسك في العادات والتقاليد القديمه خلك عليها جايز تنفعك.

معاك حق ولكن الكرم والضيافه تختلف من بلد لبلد يعني في بلدان اذا جاهم ضيف يجيبون له فروجه من اقرب مطعم بـ 10 ريال وبلدان تعرف حق الضيف تذبح له شي يليق فيه وفي مقامه بتقول هذا اسراف هاذي وجهة نظرك انا اشوفها كرم ورجوله وهذا اللي تعودنا عليه من الله خلقنا
والجود من الموجود هذا ياخوي كلام مثالي خلك واقعي افضل ولو جاك ضيف اتحداك تعشيه بخاري
بـ10 ريال ..

والله بالنسبه لي حسب الضيف اذا هو يمون اقله جيب معاك عشاء تراني مطفر واذا هو بعيد شوي اعطيها كاش بوجهه واقله الجود من الموجود واعشيه ولو فول المهم اعشيه ولو مايبي ( صحبته ماتلزمني ) اجل اتظاهر بشي انا مني قده ( مابتقتلنا الا هالمظاهر ).

لكن انك تشوف شخص من جنسيه ثانيه عربي ولا اي شي موظف بوظيفه انت احق منه فيها وراتبه انت يا ابن البلد ماتحلم فيه فهاذي طامه كبرى ..

اذا وجد السعودي اللي يقوم بالمهمه بنفس الكفاءة صدقني محد بيوظف الاجنبي وان كنت احس في كلامك حسد وغيره وزي اللي تقول هذي البلد بلدي ومحد ياخذ اي قرش منها غيري انا سواء كنت اعرف والا ما اعرف المهم انا اخذ فلوس ماحسبت حساب تعليم الاجنبي ومدى مقدرته وكفائته في العمل كل ذا مايهمك اهم شي ليه الاجنبي ياخذ فلوس وهو موظف وانا لا ( ناظر في نفسك وانت ترفض تشتغل وظيفه ابو 1500 وتصبر سنه وتصير مدير هم تلقاه اشتغل 4 سنين براتب الف ريال وبعدين صار مدير واخذ محلك اللي انت منت راضي تصبر سنه حتى تاخذه )