الحل الجذري للرقابه على الاسعار..

**بدر11** · 04-08-2011, 10:00 PM

بسم الله الرحمن الرحيم ..

اسعد الله اوقاتكم احبتي بكل خير ..لاحظت بأن الكثر من الاخوان يدورون على حل لمشكلة الرقابه على السلع والاسعار ..وجت في بالي فكره وهي :

الان يوجد في كل حي مكتب مادري وش يبي..( لاني ماشوف لها اي دور تقوم به )... اسمه اهالي الحي الفلاني ( كل حي باسمه ) او للجنة الاهالي ماني مركز في الاسم بصراحه ..

المهم رايي هو ..ليش مايتم تفعيل هاللجان في الاحياء وتكون مراقبه من جهه حكوميه كوزارة التجاره او الداخليه..

تقوم هاللجان بدور الرقيب الذاتي للحي ..يعني يتم تقسيم كل حي الى مربعات وكل مربع مسؤل عنه شخص او شخصين ..وبكذا يكون غطينا الاحياء كلها وريحنا وزارة النجاره قصدي التجاره من اعذارها اللي ملينا منها وفي ماعندها مراقبين يكفون..

وتخيلو يصير فيه سيطره على جميع المحلات هل تتوقعون فيه احد بيفكر يتلاعب بالاسعار ؟؟

مجرد فكره وحبيت اطرحها عليكم ..

.